iKideak: AMARA BERRI

Amando amara berri eskolatik etorri zitzaigun eskolaren funtzionamenduaren berri ematera. Hedabideak lantzeko modu berezia da Amara Berri.

Magisteritza ikasi zuen Amandok eta DBH-ko irakaslea izan zen eta duela 19 urte, Amara Berri eskolan sartu eta hedabide munduan sartzeko aukera izan zuen. Amandok kontatu ziguna, esperientzian oinarrituta zegoen.

Eskolak hedabideei dagokionez hainbat gune ezberdin ditu: web orria du (tresna basikoa). Irratia, telebista, ikasleen txokoa, txikiweba…

v IKASLEEN TXOKOA:

Arlo ezberdinak daude hemen: egunkaria, telebista, txiki web-a dira eskolako hedabideak. Eskolan indar handia dute hedabideek. Ikasleen txokoa eskolako erdigunean dago.

Hizkuntzan ikasle batek poesia bat egiten du, poesia hori irratian irakurtzen dute, auzo osoan entzuteko, web orrian jartzen da, grabatua gelditzen da, egunkarian argitaratu…

Beraz, eskolari buruz jakin nahi badugu web orrian sartzeko aukera dago eta bertan ikasleek egiten dutena ikusi.

Hedabideak lan guztien irteera dira.

Amara berri sistemak 5 zentru ditu Morlans, Ferrerias, Salaberrias, Loiola eta Urnietako amara berri eskola. Zentru guztiak dira amara berri baina badaude beste batzuk amara berri sistema daramatenak (badaude gipuzkoa eta bizkaian 20 zentro) sistema berarekin. Denetan berdin berdin irakasten da. Euskaditik kanpo Kataluinan bi eskoletan, Kantabrian eta Kanariar irletara ere zabaldu da sistema hau.

ü Sistema hau zer da? Zertan datza? Zein dira ezaugarriak?

Amara Berrin lana txokoetan egiten da, inoiz ez dago klase magistralik. Amara berri sisteman ikasleek ekintzetan lan egiten dute, batzuetan indibidual edo gehienetan taldeka. Proiektu guztiak batuta curriculuma ematen digu.

Ez dago libururik eskola honetan eta gauzak eginez ikasten dira. Hizkuntzetarako txoko bat dago eta ondoren bertan, elkarrizketak egiten dituzte. Beste txoko batean bikoizketa egiten dute pelikula bati soinua kendu eta doblajea eginez.

Modu praktikoan ikasten dituzte gauzak, proiektuak aurrera eramanez. Lana departamentuetan egiten dute. Gelak departamentuak dira: matematika departamentua, gizarte departamentua…

Adin nahasketa dago bertan zikloka lan eginez. 1 eta 2 ; 3 eta 4… horrek handiak txikiei irakasteko denbora ematen die. Denak handi eta txiki izanez noizbait.

Ekintza guztietan dinamizatzaileak handiak dira, ekintza aurrera eramaten dutenak. Ikaste prozesuan ikasle-irakasle izatea denak oso garrantzitsua da eta horrek irakasleari lasaituna ematen dio gauzak aurrera dijoaztelako.

Amara Berri sistema HH eta LH-n dago.

12 urterekin DBH ra joan eta ez dago inongo arazorik klaseak jasotzearekin. Amara berri bizitza proiektua da. Ikasteko beste modu bat. “Kontraste handia da baina ez zaie gorra egiten, erronka berri bat da beraientzat”- esan zuen Amandok.

Ohitura gehiago dago talde lana egiteko, autonomogoak dira. Azterketak egiten, liburuak edukitzen… ez daude ohituta baina errez ohitzen dira. Denak ohitzen gara salto eta aldaketa horietara.

Proiektuak beti berdinak dira. Departamentuan egiten diren proiektuak beti berdinak dira, zona ezberdinak daude eta urtero gauza berdinak dauzkate. Urte batetik bestera errepikatu egiten dira. Hizkuntzan pertsona bat elkarrizketatzea tokatzen bazait, hurrengo mailan lan bera egiten da baina beste pertsona bati eginez eta horrela, lana hobeto egiten duzu.

Testu liburuak ez daudenez, materiala liburutegitik ateratzen dute. Garrantzia handia dute liburutegiak (pasiloetan daude liburutegiak), edozein momentutan atera eta nahi duten liburua hartzeko eta erabiltzeko.

EGITEN DIREN LAN GUZTIEK IZAN BEHAR DUTE BENETAKO ZENTZU EDO ZERTARAKO BAT, EZER EZ DA EGIN BEHAR NOTAGATIK EDOTA ESAN DIDATELAKO.

HEDABIDEAK:

Lau dira: Irratia, telebista, txikiweb-a eta prentsa. Hauekin bi helburu nagusi ditugu: Batetik, zentzu bat ematea gelako ekintzei. Lehenengo mailako umeetatik seigarren mailako umeak arte pasatzen dira hedabideetatik lana aurkeztera. Hauek guztiak ikasleek eramaten dituzte aurrera, haiek egiten dituzte.

IKT-ak ikasteko oso modu onak dira. Argazki kamara erabiltzen, editatzen… lortzen dute.

Lehen eskolan toki ezberdinetan zeuden hedabideak, orain dena espazio bakar batean dago. Kamerariak, 5-6 dira.

Edizioa egiten dute, grabatutako programak editatzen dituzte. Haiek grabatu eta editatzen dute.

Hedabide bakoitzean bi ikasle egoten dira. Prentsan lau ikasle.

v ANTOLAKETA

Lau ikasle liberatuta prentsa, lau txikiweba, lau telebista eta bi irratiko teknikariak.

14 ikasle liberatuta lan hori egiten. Horrek esan nahi du, ikasleak teknikari bezala lanean ari diren horiek bi egunetan gelako lan guztiak uzten dute eta hedabideetan egiten dute tokatzen zaien lana.

2. ziklokoak irratian lan egiten dute, errazagoa delako (musika aukeratu…) eta eskolako liburuzainak ikasleak dira (liburuak aholkatu…). Prentsa, telebista eta txikiweb arduradunak 3.ziklokoak dira.

Zein da irakasleen zeregina?

Irakaslea hor egon behar da ikasleek egiten duten lana ikusten eta aztertzen eta laguntza behar dutenean laguntza ematen. 6 talde dituzte bakoitzak kolore bat izanez eta horrela identifikatzen dira.

2 talde lanean egongo dira eta irakaslea hedabidera iristen da egun batean, niri kamerari lana tokatzen zait eta ez dakit nola funtzionatzen duen. Nork irakatsi dio ikasle horri? Aurreko taldeko irakasleak laguntzen dio. Beraz, denek ikasi eta irakasten dute.

Lehenengo egunean ikasi egiten dute eta bigarren egunean, beste bati irakatsi behar diozu.

Irakasleak, alde teknikoan, antolaketan, iristen diren irakasleei laguntzen, arazoak bideratzen… aritu behar du. Ikaste-irakaste prozesuan sortzen diren arazoak konpontzen aritu behar da irakaslea. Baina idatzi, editatu… ez du egin behar; nola egin behar den esan behar zaie beste ikasleekin batera.

Honetara iristen diren lan guztiak lanaren bukaeran iristen dira, zuzenduta. Haiek pasatzen dutenean edo txikiweba egiten dutenean, beste hainbat akats ortografiko ikusten dituzte eta zuzendu egiten dituzte web-era igo baino lehen.

Informatika arkatza bezala da beraientzat. Eurentzat dira tresnak aurrera ateratzeko eta erabilpena ez da hain garrantzitsuena, beste gelan egiten diren lanei irteera ematea da garrantzitsua beraientzat.

Amara berri sisteman ebaluaketa egiten da. Zer moduz kontatu duten, ondo egin duten…. Autoebaluazioa ere badago. Hitzaldi baten ondoren adibidez, badago beti galdera bat oso sistematizatua. Kritika bat dago beti, baina ez kritikatzeko, hobetzeko baizik.

Hor sortzen da sentimenduak azaltzeko egoera bat da. Ea norbera zer moduz sentitu den esateko aukera uzten du ebaluaketak. Ebaluazioa irakasleak eta ikasleek egiten dute. Hori txikitatik egiten bada, kritika egitera ohitzen zara. Ebaluazio kritika, era positiboan.

v MAIZTASUNA

Kurtsoan zehar hedabideetan 6 aldiz pasatzen da bi egun egonez bakoitzean. Beraz, kurtsoan zehar 12 egun oso egongo da pertsona bakoitza hedabideetan. Alde teknologikoan konturatu gabe, gauzak egiten ikasten dute. 6.mailatik ateratzen direnean, mundu honetan oso trebeak dira.

v LAU HEDABIDEAK:

PRENTSA

Egunkaria egunero ateratzen da eta beti daude 3.zikloko lau ikasle egiten. Fotokopiatu eta banatu egiten dituzte etxeetara eramateko.

v ATALAK:

1.orrian: Albisteak

2.orrian: Kazetaritza (inkestak)

3.orrian: Besteen lanak atera, inkestak, elkarrizketak… Benetako kazetariak sentituz.

4.orrian: Zerbitzuaà egiten diren lanei irteerak ematea kontu kontari atalean (1.zikloko lanak). Lanak eskaneatu, argazkiak sartu… egiten ikasten dute.

5.orrian: 2.zikloko lanak ere jartzen dituzte.

6.orrian: Lumaren kilima (3.zikloko lana)

7.orrian: Norbaitek zerbait egiten duenean bandejetan utzi informazioa eta denbora dutenean “SASKI NASKI”n jartzen dute.

8.orrian: Denbora pasak. (2.zikloan hizkuntza eta matematika arloan) Sudokuak…

Egunkaria interneten jartzen da. Gurasoak ikusteko aukera dute.

9.orrian: Gehigarriak: 8orri baino orri gehiago egiteko gai diren ikasleentzat da.

IRRATIA

Hedabidea aldatzen da baina egiten dena berdina da. Hemen irratira joan mikrofonoa hartu eta zuzenean hitz egiten da. Hedabide bakarra zuzenean entzuten dena auzo osoan. Honek arrisku bat du, edonork entzun dezakeela.

Helburua ez da lan perfektua egitea, ikasleen lanak egitea baizik. Inongo beldurrik gabe erakusten dute lana. Interneten ere jartzen da irratian esaten dena. 2.ziklokoek egiten dute lan hau.

Eskolako web orrian sartuz gero, irratian zerrenda luze bat dago non irratiko link guztiak azaltzen diren, 3.ziklokoek sartzen dute.

TXIKI WEB

Hedabideak daude txikiweb-an. Irratia, telebista, prentsa… ditugu hemen. Telebistan daudenak grabatu, editatu eta txikiweb-era pasatzen dute eurak hor txertatzeko. Haiei esker, ikusi egin dezakegu telebistan egin zutena.

Programa ezberdinak ditugu bertan ikusteko. Elkarrizketak (kamerari, aurkezle, edizioa…) dena nork egin duen ikus dezakegu bertan. Elkarrizketa horiek hizkuntza lantzeko egiten dira, adibidez.

Honekin elkarrizketak egiten ikasten dute ondoren, benetako pertsona famatuei egiteko.

Txiki webekoek argazki kamera hartu, plastika gelara joan eta kanpora ateratzeko aukera ematen du. Horrela, web orri bat egiten, argazkiak txertatzen, enkuadreak jartzen… ikasten dute ikasleek.

TELEBISTA

(Aurretik aipatu du telebista).

Mac-ak erabiltzen dituzte horrelako lanak egiteko, egokiagoak baitira. Fotografia eta bideo munduan editatzeko aukera gehiago ematen duelako eta sinpleagoak direlako. Honekin lortzen dena da, bi plataformak ongi ezagutuz eta Linux eta Maquintus ere bai.